Lista Transformar Galicia

Galicia precisa un cambio. Precisamos Transformar Galicia. E non só o precisamos. Merecémolo. Somos moitas as que levamos anos traballando por ese cambio desde Podemos. E desde as rúas. En cada mobilización pola sanidade, pola educación, en defensa do noso territorio e do medio ambiente. E desde a nosa casa e o noso centro de traballo. Cada día nas redes ou no café, indignadas con cada medida do PP e de Feijóo, aínda que agora aqui Feijóo se chame Rueda.

Pero tamén aliviadas e, por que non dicilo, orgullosas con cada avance que, cada vez que Podemos está nun Goberno, se produce nos parlamentos, nas institucions pero sobre todo, no dia a dia, nas vidas da nosa xente.

Precisamos unha sanidade pública á altura do país. Educación e universidades para que a xente moza poida ter ferramentas para construír unha sociedade mellor. E, sobre todo, máis xusta. Un país que ten nome feminino, Galicia, precisa Igualdade. E xustiza social. E democracia. E acabar con demasiados anos de corrupción e coa manipulación que o PP fai dos medios públicos como a CRTVG.

As xentes de Podemos Galicia queremos, temos que ser parte de ese cambio. Porque podemos ter un país á altura das súas xentes, votemos desde hoxe xa por Transformar Galicia